நட்பு

எனக்காகச் சிரிக்கவும்
எனக்காக அழவும்
நான் சிரிக்கும் போது என்னோடு சிரிக்கவும்
நான் அழும் போது என் கண்ணீரைப் போக்கவும்
விழும் போது தூக்கி விடவும்
தவறும் போது திருத்தி விடவும்
முக்கியமாக
என்னில் நம்பிக்கை வைக்கவும்
எனக்கு நம்பத்தகுந்தவராகச் செயற்படவும்
ஒரு உறவு இருக்குமேயானால்
அது நட்பு

நட்பு
காதலை விடப் புனிதமானது
சுயநலமற்றது
பொறாமை அறியாதது

நல்ல நட்புக் கிடைப்பது அரிது
கிடைத்து விட்டால் அது ஞாலப் பெரிது.

சந்திரவதனா
1999